काठमाडौं।नेपाली कांग्रेसका केन्द्रीय सदस्य एवं पूर्वमन्त्री मोहनबहादुर बस्नेतको उपस्थितिमा सुनकोशी गाउँपालिकाले नौ वटै वडामा आइसोलेसन वार्ड निर्माण सामाग्री र स्वास्थ्य सामग्री हस्तान्तरण गरेको छ ।
विश्वव्यापी महामारीको रुप लिएको कोरोना भाइरस विरुद्ध जुध्न सुनकोशी गाउँपालिकाले सबै वडामा आइसोलेसन वार्ड र क्वारेन्टाइन कक्ष निर्माण भएको छ ।
आइसोलेसन वार्ड र क्वारेन्टाइन कक्ष निर्माणका लागि वडा कार्यालय र स्थानीय स्वास्थ्य संस्थालाई आवश्यक स्वास्थ्य सामग्री र निर्माण उपकरण प्रदान गरेको हो ।
कोरोना भाइरसको संक्रमण फैलन नदिन वटा नै वडामा क्वारेन्टाइन कक्ष निमार्णका सामाग्री र स्वास्थ सामाग्री पाठाईएको गाउँपालिका अध्यक्ष श्रमण कुमार जिसीले बताए । प्रत्येक वडामा चार,चार वटाको दरले क्वारेन्टाइन बेड बनाइने छ उनले जानकारी दिए । यसै गरी गाउँपालिका भित्र रहेका स्वास्थ्य चौकी, बिद्यालयका भवन, सामुदायिक भवनमा तीन सय भन्दा बढी क्वारेन्टाइन वार्ड बनाइने अध्यक्ष जिसीले बताए । सबै वार्डमा औषधी, स्वास्थकर्मी लगायतको जनशक्ति तयारी हालतमा राखिएको पनि अध्यक्ष जिसीले जानकारी दिए ।
निमार्ण तथा स्वास्थ सामाग्री नेपाली कांग्रेसका केन्द्रीय सदस्य एवं पूर्वमन्त्री मोहनबहादुर बस्नेत र गाउँपालिका अध्यक्ष श्रमण कुमार जिसीले संयुक्त रुपमा हस्तान्तरण गरेका थिए ।
