काठमाडौं। मधेश प्रदेशका मुख्यमन्त्री सरोज यादवको नियुक्ति खारेजको माग गर्दै मधेश प्रदेशका ७४ जना सांसदहरूले सर्वोच्च अदालतमा दायर गरेको रिटलाई संयुक्त इजलासमा पठाइएको छ ।
बुधबार न्यायाधीश नित्यानन्द पाण्डेको एकल इजलासले यो रिटमाथि सुनुवाइ गर्दै यसलाई सुनुवाइका लागि संयुक्त इजलासमा पठाउने आदेश गरेको हो । अब संयुक्त इजलास आइतबार बस्ने गरी पेशी तोकिएको छ । यो रिट मंगलबार दर्ता भएको थियो ।
यसअघि सर्वोच्च अदालतले मुख्यमन्त्री सरोज यादवलाई दीर्घकालीन प्रभाव पर्ने कुनै पनि काम नगर्न आदेश दिइसकेको छ।
