काठमाडौ । सर्लाहीमा विभिन्न स्थानबाट हराएका मोटरसाइकल फेला पारी सम्बन्धित धनीलाई फिर्ता गरिएको छ ।
सर्लाहीको हरिवनस्थित इलाका प्रहरी कार्यालयले विभिन्न स्थानबाट हराएकामध्ये ६ वटा पल्सर मोटरसाइकल फेला पारी आज बुधबार सम्बन्धित धनीलाई हस्तान्तरण गरिएको हो ।
इलाका प्रहरी कार्यालय हरिवनका प्रहरी निरीक्षक भूपेन्द्र गिरीका अनुसार यस कार्यालयले अहिलेसम्म १५ वटा मोटरसाइकल धनीलाई जिम्मा लगाइसकेको छ ।
