काठमाडौँ। प्रतिनिधि सभा निर्वाचनको परिणामको समीक्षा गर्न नेकपा (एमाले) ले मातहतका कमिटीहरूलाई प्रतिवेदन तयार पारेर केन्द्रीय कार्यालय पठाउन निर्देशन दिएको छ। एमाले केन्द्रीय कार्यालयका सचिव डा.भीष्म अधिकारीका अनुसार, तल्ला कमिटीहरूले निर्वाचनको विस्तृत समीक्षा गर्ने जिम्मेवारी पाएका छन्। समीक्षा प्रक्रिया वडा, पालिका, जिल्ला र प्रदेश स्तर हुँदै केन्द्रीय कार्यालयमा पुग्नेछ। त्यहाँ प्राप्त सुझाव र निष्कर्षको आधारमा पार्टीले समग्र चुनाव विश्लेषण गर्नेछ।
डा। अधिकारीले भने, “तल्ला कमिटीबाट आएको सुझावका आधारमा निर्वाचन समीक्षा केन्द्रमा गरिनेछ। चाँडै केन्द्रीय सचिवालय र केन्द्रीय कमिटीको बैठक बोलाएर समीक्षा प्रक्रिया अघि बढाइनेछ।” गत फागुन २१ गते सम्पन्न प्रतिनिधि सभा निर्वाचनमा एमाले अध्यक्ष केपी शर्मा ओलीसहित पार्टीका शीर्ष नेता पराजित भएका थिए। पार्टीको समीक्षा प्रक्रिया यस परिणामका कारण भएका कमजोरी, रणनीति र सुधारका उपायको विश्लेषणमा केन्द्रित रहनेछ।
स्रोतका अनुसार, समीक्षा प्रतिवेदन तयार भएपछि आगामी रणनीति तय गर्न तथा संगठनात्मक सुधारका कदम चाल्न पार्टीको शीर्ष नेतृत्वले निर्णय गर्नेछ।
