काठमाडौं ।नेकपा (एमाले) को आसन्न ११औं राष्ट्रिय महाधिवेशनका लागि बैतडी जिल्लाबाट युवा क्लस्टरको प्रतिनिधिका रूपमा गोविन्द गिरी सर्वसम्मत रूपमा चयन हुनुभएको छ।
पार्टीले महाधिवेशनमा ४० वर्ष मुनिका युवाहरूको अनिवार्य प्रतिनिधित्व सुनिश्चित गर्न युवा क्लस्टर छुट्ट्याएको थियो। सोही क्लस्टर अन्तर्गत गिरीले बैतडीबाट निर्विरोध निर्वाचित भएर महाधिवेशन प्रतिनिधिको भूमिका प्राप्त गर्नुभएको हो।
“सर्वसम्मतिको वातावरण”
एमाले बैतडी जिल्ला कमिटीले पार्टीको नीति अनुसार युवा नेतृत्वलाई प्रोत्साहन दिँदै सहमतिमा प्रतिनिधि चयन गर्ने प्रयास स्वरूप गिरीलाई सर्वसम्मत चयन गर्न सफल भएको हो। उहाँको निर्विरोध चयनले जिल्लामा पार्टीको एकता र युवा माझको विश्वासलाई झल्काउँछ।
