काठमाडौं । नेकपा (माओवादी केन्द्र) का अध्यक्ष (पुष्पकमल दाहाल ‘प्रचण्ड’)ले आइतबार दिउँसो पार्टी पदाधिकारी बैठक आह्वान गरेका छन्। बैठक पार्टी केन्द्रीय कार्यालय, पेरिसडाँडामा दिउँसो २ बजे बस्ने उपमहासचिव हरिबोल गजुरेलले जानकारी दिए ।
बैठकमा पछिल्लो स्थानीय समितिले गरेको निर्णय कार्यान्वयन, पार्टीभित्र एकतामा जोडिएका नेताहरूको जिम्मेवारी बाँडफाँड, स्थगित मध्यपहाडी लोकमार्ग अभियान पुनः सञ्चालन, र समसामयिक राजनीतिक अवस्थाबारे विस्तृत छलफल हुने भएको छ।
यससँगै, साउन १९ गते बसेको स्थायी समिति बैठकले गरेका निर्णय–जस्तै पार्टीभित्र रहेका गुट र स्वार्थ समूह विघटन, विप्लव नेतृत्वको नेकपासँग एकता र नेकपा ९एकीकृत समाजवादी० सँग सहकार्यका सम्भावनाबारे पनि बैठकमा पुनः छलफल हुने बताइएको छ।
तर, अझै पनि गुटगत गतिविधि रोकिएको छैन भन्ने आन्तरिक असन्तुष्टिका बीच यो बैठक महत्वपूर्ण मानिएको छ।
