मुख्य समाचार

लाइसेन्स प्राप्त हतियार भन्दै जनमतका नेताहरु हतियारसहित राणाकालीन शैलीमा प्रस्तुत !!

काठमाडौं । जनमत पार्टीका नेताहरूले रौतहटको गौरमा लाइसेन्स प्राप्त भन्दै राणाकालीन शैलीमा डर,त्रास, अशान्तिको संकेत गर्दै प्रदर्शनमा उत्रिएका छन् । जनमत पार्टीका केन्द्रीय उपाध्यक्ष अब्दुल खान र रौतहट जिल्ला इञ्चार्ज शेष जमसेदले हतियार प्रदर्शन गरेका हुन् । अब्दुल खान गौर नगरपालिकाको सबगढास्थित जमसेदको घरमा शनिबार भेटघाट गर्न पुगेका थिए । भेटका क्रममा उनीहरूले दुई जना व्यक्तिलाई बन्दुक भिर्न लगाएर आफूहरू सोफामा बसेका थिए ।

यस्तै उनीहरू (उपाध्यक्ष र जिल्ला इञ्चार्ज) डुल्दा पनि दुवै जनालाई हतियार बोकाएर साथै हिँडाएका थिए । जिल्ला इञ्चार्जसमेत रहेका जमसेदले भेटघाट र डुलाएको फोटो र भिडियो फेसबुकमा राखेका थिए । खुलेआम हतियार प्रदर्शन गरेको भनेर आलोचना भएपछि उनले फोटो र भिडियो फेसबुकबाट हटाएका थिए ।

जिल्ला प्रहरी कार्यालय रौतहटले सामाजिक सञ्जालमा हतियार प्रदर्शन गरेको विषयमा जनमत पार्टीका जिल्ला इञ्चार्ज शेष जमसेदसँग सोधपुछ समेत गरेको छ । जिल्ला प्रहरी कार्यालय रौतहटका प्रवक्ता डिएसपी दिपक कुमार रायले लाइसेन्स प्राप्त हतियार भएकाले सोधपुछपछि छाडेको जानकारी दिए ।

जनमत पार्टीका रौतहट इञ्चार्ज शेख जमसेदले शुक्रबार घरमा बन्दुक सफा गर्ने बेलामा उक्त तस्वीर खिचेर सामाजिक संजालमा राखिएको बताउँदै सामाजिक सञ्जालमा राख्नु आफ्नो भूल भएको बताए । ‘दुवै बन्दुक इजाजत प्राप्त हुन् तर सामाजिक सञ्जालमा राख्नु भूल भयो, मैले सो पोष्ट हटाइसकेको उनले जानकारी दिए । तर यसरी देशका नागरिकलाई त्रास पैदा गर्ने किसिमका गतिविधि गर्न सरकारले छुट दिनुहुँदैन् ।

 प्रतिक्रिया

तपाईको इ-मेल ठेगाना प्रकाशित हुँदैन। आवश्यक क्षेत्रहरू चिनो लगाइएका छन् *