काठमाडौं । एमालेले संसद बैठक अवरुद्ध गरेका बेला प्रधानमन्त्री शेरबहादुर देउवाले सबै मिलेर संसद चलाउनुपर्ने बताएका छन् ।
आज बसेको सत्तारुढ दलका शिर्ष नेताहरुका बिचमा भएको छलफलमा प्रधानमन्त्री देउवाले सत्तापक्ष र विपक्षी सबै मिलेर संसद चलाउनुपर्ने बताएका हुन् ।
प्रधानमन्त्री देउवाले विधि, प्रक्रिया र प्रणालीमा सहमति गरेर अघि बढ्न र संसद सञ्चालनलाई सहज बनाउन भूमिका खेल्नका लागि सत्तागठबन्धनका नेताहरूलाई आग्रह समेत गरेका छन् ।
