काठमाडौं । एमालेबाट विभाजन गरेर अर्को दल दर्ता गरेका माधवकुमार नेपाल नेतृत्वको नेकपा (एकीकृत समाजवादी) पार्टीको संसदीय दलको कार्यालय स्थापना भएको छ ।
संसदीय दलका नेता माधवकुमार नेपाल र राष्ट्रियसभा संसदीय दलका नेता वेदुराम भुसालले आ–आफ्नो जिम्मेवारी सम्हाल्लेका हुन् ।
यसअघि संघीय संसद सचिवालयले नेता नेपालको दललाई कार्यालय उपलब्ध गराएको थियो । गत आइतबार बसेको नेकपा एकिकृत समाजवादी दलको संसदीय दलको बैठकले नेपाललाई दलको नेता चयन गरेको थियो ।
