काठमाडौं । नेपाली कांग्रेसको १४ औं महाधिवेशन नजिकिएसँगै नेताहरुबीच भेटघाट तीव्र बनिरहेको छ ।
केन्द्रीय सदस्य अर्जुननरसिंह केसीले संस्थापन इत्तर समूहबाट नेतृत्वमा दावी गरेका नेताहरुबीच सहमति गराएर साझा उम्मेदवार बनाउन शिर्षनेताहरुको बैठक बोलाएका छन् ।
आज अपरान्ह ४ बजे बोलाइएको बैठकमा सभापतिका दावेदारहरु वरिष्ठ नेता रामचन्द्र पौडेल, महामन्त्री डा.शशांक कोइराला, पूर्व महामन्त्री प्रकाशमान सिंह, नेता डा.शेखर कोइराला लगायतलाई निम्तो दिइएको छ ।
बैठकमा केन्द्रीय सदस्यहरू बलबहादुर केसी, रामशरण महत, सुजता कोइरालालगायतलाई पनि बोलाइएको छ ।
