काठमाडौं । राष्ट्रिय प्रजातन्त्र पार्टी (राप्रपा) ले महाधिवेशनका लागि आयोजक समिति गठन गरेको छ । वैशाख तेस्रो साता काठमाडौंमा हुने महाधिवेशनका लागि अध्यक्षहरू कमल थापा, पशुपतिशम्शेर राणा र प्रकाशचन्द्र लोहनीको अध्यक्षतामा महाधिवेशन मुल आयोजक समिति गठन भएको हो ।
समितिमा दुई सचिवालयका प्रमुख, दुई कोषाध्यक्ष र कार्यसम्पादन समितिका सबै सदस्यहरू सदस्य रहने गरी महाधिवेशन मुल आयोजक समिति गठन गरेको राप्रपा नेता मोहन श्रेष्ठले सञ्चारकर्मीहरुलाई जानकारी दिए ।
