काठमाडौं । नेपाली कांग्रेसका सभापति शेरबहादुर देउवाले राप्रपाबाट कांग्रेस प्रवेश गर्नेलाई पार्टीको सदस्यता दिएका छन् । बुधबार आफ्नो निवास बुढानिलकण्ठमा आयोजित विशेष कार्यक्रममा देउवाले उनीहरूलाई पार्टीको सदस्यता दिएका हुन् ।
केही दिनअघि सम्पन्न कांग्रेस केन्द्रीय समिति बैठकले राप्रपाबाट आएका सुनिलबहादुर थापालाई सहमहामन्त्री र अन्य नौजनालाई केन्द्रीय सदस्य बनाउने निर्णय गरेको थियो । सोही निर्णयअनुसार सहमहामन्त्री थापा र अन्य केन्द्रीय सदस्यले कांग्रेसको सदस्यता लिएका हुन् ।
