काठमाडौं। ग्लोबल आइएमई बैंकले नयाँ वर्ष २०८३ को अवसरमा नयाँ क्यालेण्डर सार्वजनिक गरेको छ। यस वर्षको क्यालेण्डरमा पौभा कलाको दिव्य रंग र दर्शनसँगै काठमाडौं उपत्यकाका नेवार समुदायसँग गहिरो सम्बन्ध राख्ने दुर्लभ चित्रहरू समावेश गरिएको बैंकले जनाएको छ।
बैंकका अध्यक्ष तथा नेपाल उद्योग वाणिज्य महासंघका अध्यक्ष चन्दप्रसाद ढकाल र तिलगंगा आँखा प्रतिष्ठानका संस्थापक एवम् कार्यकारी निर्देशक प्रा.डा. सन्दुक रुइतले संयुक्त रुपमा क्यालेण्डर सार्वजनिक गरेका थिए।
ग्लोबल आइएमई बैंकले केही वर्षयता आफ्नो क्यालेण्डर मार्फत नेपाली कला, साहित्य, संस्कृति र सभ्यता संरक्षण तथा प्रवर्द्धनमा योगदान गर्दै आएको छ। यस वर्ष पनि मौलिक चित्र र सांस्कृतिक विशेषताहरूलाई प्राथमिकता दिइएको छ।
नेपालभर आफ्नो तीन सय ५२ शाखा, तीन सय ७९ एटीएम, १४७ शाखारहित बैंकिङ सेवा, ६८ एक्सटेन्सन शाखा र तीन वैदेशिक प्रतिनिधि कार्यालयमार्फत सेवा दिने ग्लोबल आइएमई बैंक निजी क्षेत्रको पहिलो वाणिज्य बैंकको रूपमा परिचित छ।
