काठमाडौं । नेपाली कम्युनिस्ट पार्टीले राजनीतिक पूर्वाग्रह राखेर तनाव सिर्जना हुने गतिविधि नगर्न आग्रह गरेको छ।
शनिबार केन्द्रीय कार्यालय कोटेश्वरबाट जारी प्रेस विज्ञप्तिमा सरकारलाई विधिको शासन, कानुनी प्रक्रिया र निष्पक्षताको मान्यता उल्लंघन नगर्न आग्रह गरेको छ ।
पार्टीले नवनियुक्त प्रधानमन्त्री बालेन (बालेन्द्र) शाह र उनको नेतृत्वमा गठित मन्त्रिपरिषद्लाई बधाई तथा शुभकामना व्यक्त गरेको छ।
विज्ञप्तिमा सरकारको पहिलो मन्त्रिपरिषद् बैठकबाट भाद्र २३ र २४ गतेका घटनाबारे छानबिन गर्न गठन गरिएको कार्यदलको प्रतिवेदन कार्यान्वयनका सन्दर्भमा भइरहेको कदमप्रति गम्भीर ध्यानाकर्षण भएको उल्लेख गरिएको छ।
