काठमाडौँ । राष्ट्रिय स्वतन्त्र पार्टी (रास्वपा) को केन्द्रीय समिति बैठकबाट बालेन शाहलाई संसदीय दलको नेता चयन गर्ने प्रस्ताव सर्वसम्मत रूपमा पारित भएको छ ।
सभापति रवि लामिछानेको प्रस्तावमा सो प्रस्ताव सर्वसम्मत पारित भएको प्रवक्ता मनिष झाले जानकारी दिएका छन् ।
साथै बैठकले यसअघि संसदीय दल गठन गर्ने प्रस्ताव पारित गरेको थियो । अब आजै यसपछि संसदीय दलको बैठक बस्ने भएको छ । संसदीय दलको बैठकले वरिष्ठ नेता बालेन शाहलाई संसदीय दलको नेता चयन गर्ने छ ।
बालेनले भोली शुक्रबार प्रधानमन्त्री पदको शपथ लिने तयारी गरेका छन् ।
