काठमाडौं । पश्चिम एसियामा बढ्दो युद्ध र अस्थिरताबीच नेपाल सरकारले त्यहाँ रहेका नागरिकको उद्धारका लागि ‘रेस्क्यु फ्लाइट’ सञ्चालन गर्ने तयारी थालेको छ। परराष्ट्र मन्त्रालयका अनुसार परराष्ट्र सचिवको संयोजकत्वमा रहेको इमर्जेन्सी रेस्पोन्स टिम ९ईआरटी०को बैठकले उद्धार उडान छिट्टै सञ्चालन गर्न प्रक्रिया अघि बढाउने निर्णय गरेको हो। यसका लागि नेपाल वायुसेवा निगम र हिमालय एयरलाइन्सलाई आवश्यक अनुमति लिएर उडान सञ्चालन गर्न तयारी गर्न निर्देशन दिने निर्णय गरिएको छ।
दम्माम, रियाद, मस्कट, दोहा, दुबई, सारजहाँ र अबुधाबी लगायतका सहरबाट उद्धार उडान सञ्चालन गर्ने योजना बनाइएको छ। बहराइन, साउदी अरेबिया, ओमान र कतारस्थित नेपाली दूतावासको अनुरोधपछि यो प्रक्रिया अघि बढाइएको हो। सरकारका अनुसार पश्चिम एसियामा हाल १७ लाखभन्दा बढी नेपाली कार्यरत छन्। तीमध्ये ८२ हजारभन्दा बढीले उद्धारका लागि नाम दर्ता गराइसकेका छन् भने करिब ६ हजारले आफू असुरक्षित अवस्थामा रहेको जानकारी दिएका छन्।उद्धार उडानमा यात्रुले आफ्नै खर्चमा यात्रा गर्नुपर्ने प्रारम्भिक व्यवस्था प्रस्ताव गरिएको छ। सरकारले अवस्थाको गम्भीरता मूल्याङ्कन गर्दै थप निर्णय गर्ने तयारीमा रहेको जनाएको छ।
