काठमाडौं । हालै सम्पन्न प्रतिनिधिसभा निर्वाचनको वैधतामाथि विभिन्न कोणबाट प्रश्न उठ्न थालेका छन्। निर्वाचन प्रक्रिया पारदर्शी नभएको आरोप लगाउँदै राजनीतिक वृत्त र नागरिक समाजका केही प्रतिनिधिहरूले छानबिनको माग गर्न थालेका छन्।
यसैक्रममा सामाजिक अभियन्ता पुण्य गौतमले निर्वाचन प्रक्रियामा गम्भीर अनियमितता भएको दाबी गरेका छन्। उनले निर्वाचनको व्यवस्थापन र मतगणनाको प्रक्रियामा पारदर्शिता कायम हुन नसकेको भन्दै सार्वजनिक रूपमा प्रश्न उठाएका हुन्।
गौतमका अनुसार कतिपय स्थानमा मतगणना प्रक्रिया अस्पष्ट देखिएको, मतदान केन्द्रको व्यवस्थापन कमजोर रहेको र परिणाम सार्वजनिक गर्ने क्रममा पनि पर्याप्त स्पष्टता नदेखिएको आरोप लगाइएको छ। उनले निर्वाचन प्रणालीमाथि जनविश्वास कायम राख्न सम्बन्धित निकायले सबै प्रक्रिया सार्वजनिक गर्नुपर्ने माग गरेका छन्।
निर्वाचनको समग्र व्यवस्थापनको जिम्मेवारी सम्हालेको निर्वाचन आयोगले भने निर्वाचन प्रक्रिया कानुनअनुसार र निष्पक्ष ढंगले सम्पन्न भएको दाबी गर्दै आएको छ। आयोगले सबै चरणमा आवश्यक मापदण्ड अपनाइएको र प्राप्त गुनासोहरूको अध्ययन भइरहेको जनाएको छ।
यद्यपि विभिन्न दल र स्वतन्त्र व्यक्तिहरूले उठाएका प्रश्नका कारण निर्वाचनको विश्वसनीयता र पारदर्शिताबारे सार्वजनिक बहस सुरु भएको छ। राजनीतिक विश्लेषकहरूका अनुसार उठेका आरोपबारे स्पष्टता दिन र जनविश्वास कायम राख्न सम्बन्धित निकायले थप जानकारी सार्वजनिक गर्नु आवश्यक देखिएको छ।
पुण्य गौतमले निर्वाचनबारे के भने सुन्नुहोस्, तलको लिङ्क क्लिक गरेर ।
