महोत्तरी। प्रतिनिधिसभा सदस्य निर्वाचनअन्तर्गत महोत्तरीका चारवटै निर्वाचन क्षेत्रमा राष्ट्रिय स्वतन्त्र पार्टी (रास्वपा)का उम्मेदवारले अग्रता लिएका छन्।
मुख्य निर्वाचन अधिकृतको कार्यालयका अनुसार दिउँसो ४ बजेसम्म क्षेत्र नम्बर १ मा रास्वपाका प्रमोदकुमार महतोले १० हजार ९९३ मत प्राप्त गर्दै अग्रता कायम गरेका छन्। उक्त क्षेत्रमा नेपाल कम्युनिष्ट पार्टीका गिरिराजमणि पोखरेलले ३ हजार ९२३ मत र नेकपा (एमाले)का लक्ष्मी महतो कोइरीले २ हजार ८५६ मत प्राप्त गरेका छन्।
क्षेत्र नम्बर २ मा रास्वपाका दीपककुमार साहले २ हजार ९१९ मत प्राप्त गरेका छन् भने जनता समाजवादी पार्टी (जसपा)का शरतसिंह भण्डारीले ८५८ मत पाएका छन्।
क्षेत्र नम्बर ३ मा रास्वपाका उज्ज्वल झाले ५७१ मत प्राप्त गरेका छन् भने स्वतन्त्र उम्मेदवार रामआधार कापरले ११४ मत पाएका छन्।
त्यसैगरी क्षेत्र नम्बर ४ मा रास्वपाकी गौरीकुमारीले ६५१ मत प्राप्त गरेकी छन् भने जसपाका डा. सुरेन्द्रकुमार यादवले २६९ मत पाएका छन्।
मुख्य निर्वाचन अधिकृत माधवप्रसाद अधिकारीका अनुसार सबै क्षेत्रमा मतगणना कार्य जारी रहेको छ।
