बुटवल । राष्ट्रिय स्वतन्त्र पार्टी (रास्वपा)ले भैरहवामा गर्न लागेको चुनावी सभा स्थगित गरेको छ ।
भैरहवामा फागुन ९ गते गर्ने भनिएको चुनावी सभा तत्कालको लागि स्थगित भएको रुपन्देही ३ का चुनावी कमाण्डर नारायणप्रसाद भण्डारीले जानकारी दिए ।
पार्टी केन्द्रीय कार्यालयले प्रदेश समितिलाई पठाएको पत्रमा संगठनात्मक प्राथमिकता निर्धारण तथा रणनीतिक व्यवस्थापन लगायतका विशेष कारणले हाललाई चुनावी सभा स्थगित गर्नुपरेको उल्लेख गरेको छ ।
गएराति दाङमा रास्वपा समर्थकहरुले नेकपा एमालेको झण्डा जलाएको थियो । सो पश्चात एमाले र रास्वपाबीच द्वन्द्व बढ्ने आँकलनबीच सभा स्थगित गरिएको हुनसक्ने अनुमान छ । यद्यपी, यसबारेमा रास्वपाले भने केहि पनि भनेको छैन ।
