काठमाडौं । आइसीसी टी–२० विश्वकप अगाडिको दोस्रो अभ्यास खेलमा नेपाललाई क्यानडाले १६२ रनको लक्ष्य दिएको छ ।
चेन्नईस्थित एमए चिदम्बरम मैदानमा टस जितेर पहिले ब्याटिङ गरेको क्यानडाले २० ओभरमा ६ विकेटको क्षतिमा १६१ रन बनायो ।
क्यानडाको लागि नवनित धलिवालले सर्वाधिक ४१ रन जोडे । यस्तै, श्रेयस मोव्वाले अविजित ३८ रन बनाउदा कन्वरपाल ताथगुरले २५ र जास्करन सिंहले २१ रन थपे ।
बलिङतर्फ नेपालका सन्दीप लामिछाने र कुशल भुर्तेलले दुई/दुई विकेट लिए । सोमपाल कामी र नन्दन यादवले पनि एक/एक विकेट लिए ।
