काठमाडौँ । नेपाली कम्युनिस्ट पार्टी (नेकपा) कालीकोटका नेता जीवन बुढाले आफ्नो उम्मेदवारी फिर्ता लिएका छन्।
पार्टी संयोजक पुष्पकमल दाहाल ‘प्रचण्ड’को निर्देशनपछि बुढाले उम्मेदवारी फिर्ता लिएको स्रोतले जनाएको छ। पार्टीले महेन्द्रबहादुर शाहीलाई आधिकारिक उम्मेदवारका रूपमा अघि सारेपछि असन्तुष्ट हुँदै बुढाले बागी उम्मेदवारी दिएका थिए।
तर पार्टी नेतृत्वको निर्देशन र आन्तरिक छलफलपछि उनले उम्मेदवारी फिर्ता लिँदै शाहीलाई सहयोग गर्ने प्रतिबद्धता व्यक्त गरेका छन्। यससँगै कालीकोटमा नेकपाभित्र देखिएको आन्तरिक मतभेद अन्त्य भएको पार्टी नेताहरूले बताएका छन्।
पार्टी एकता र संगठन मजबुत बनाउने उद्देश्यले उम्मेदवारी फिर्ता लिएको बुढाको भनाइ छ।
