काठमाडौँ । जेनजी घटनाको छानबिन गर्न सरकारले गठन गरेको जाँचबुझ आयोगका अध्यक्ष पूर्वन्यायाधीश गौरीबहादुर कार्कीलाई पदमुक्त गर्न माग गर्दै दायर गरिएको रिट सर्वोच्च अदालतले खारेज गरेको छ।
न्यायाधीशहरूको इजलासले आयोग गठन र अध्यक्ष नियुक्ति कानुनसम्मत रहेको ठहर गर्दै रिट खारेज गर्ने आदेश दिएको हो।
अदालतले रिट निवेदनमा उठाइएका आधारहरू आयोगको कामकारबाही रोक्ने वा अध्यक्षलाई पदमुक्त गर्ने पर्याप्त कारण नभएको निष्कर्ष निकालेको छ।
यससँगै जाँचबुझ आयोगले जेनजी घटनासम्बन्धी छानबिन कार्यलाई निरन्तरता दिने बाटो खुलेको छ।सरकारले जेनजी घटनामा देखिएका विवाद र सम्भावित कमजोरीबारे सत्यतथ्य पत्ता लगाउन भन्दै आयोग गठन गरेको थियो।
