काठमाडौँ । राष्ट्रिय स्वतन्त्र पार्टीका सभापति रवि लामिछानेले वैकल्पिक भनिएका सबै शक्तिसँग छलफल गर्ने बताएका छन् ।
सोमबार राति काठमाडौं महानगरपालिकाका मेयर बालेन साहसँग भेट गरेका सभापति लामिछानेले मंगलबार चितवनमा पत्रकारहरुसँग कुरा गर्दै रास्वपाले नयाँ र वैकल्पिक भनिएका सबै शक्तिसँग छलफल गर्ने र केहीबाट सुरुवात गरिसकेको जानकारी दिए ।
उनले बालेनलाई आगामी प्रधानमन्त्री बनाउने चरणमा छलफल पुगिनसकेको बताए । उनले भने, ‘हामी बालेनलाई प्रधानमन्त्री बनाउने चरणमा पुगेका छैनौँ। पहिले त थाहा हुनुपर्यो, एक अर्कालाई बुझ्नुपर्यो । अहिले नै हतार नगर्नु न।’
उनले सुदन गुरुङसँग छलफल भएको र ऊर्जामन्त्री कुलमान घिसिङसँग पनि छलफल गर्ने बताए ।
