काठमाडौं । बर्दियामा युवकको हत्या भएको प्रकरणमा लुम्बिनी प्रदेशका पूर्वमुख्यमन्त्री डिल्लीबहादुर चौधरीका भाई पक्राउ परेका छन् ।
दाङको तुलसीपुर उपमहानगरपालिका–५ का १९ वर्षीय निरज चौधरीको बर्दिया राजापुरमा भएको हत्या घटनामा पूर्वमुख्यमन्त्री चौधरीका भाइ महावीर चौधरी पक्राउ परेका हुन् ।
महावीर लुम्बिनीका पूर्वमुख्यमन्त्री एवम् कांग्रेस नेता डिल्लीबहादुर चौधरीका सहोदर भाइ हुन् । केही दिनअघि बर्दियाको राजापुरमा रहेको हमार थारू रेष्टुरेन्टमा महावीरले निरज चौधरीलाई गोली हानी हत्या गरेका थिए ।
उनको साथबाट प्रहरीले पेस्तोल समेत बरामद गरेको छ ।
