काठमाडौं । मुस्कान खातुन नेपाली कम्युनिस्ट पार्टीमा प्रवेश गरेकी छिन् ।
राष्ट्रिय सभागृहमा आयोजित कार्यक्रममा खातुनसहितलाई संयोजक पुष्पकमल दाहाल प्रचण्डलगायतका नेताहरूले स्वागत गरेका हुन् ।
खातुनसहित जसपा मधेश प्रदेश अध्यक्ष अशोक कुमार यादव पनि पार्टीमा प्रवेश गरेका छन् ।
खातुनलाई पार्टीले केन्द्रीय समिति सदस्य बनाउने निर्णय गरेकोसहसंयोजक माधव कुमार नेपालले जानकारी गराए ।
वीरगञ्ज निवासी मुस्कान ०७६ साल भदौमा एसिड आक्रमणमा परेकी थिइन् । उनले अन्तर्राष्ट्रिय साहसी महिला सम्मान समेत पाएकी छिन् ।
