काठमाडौं। पार्टीलाई जानकारी नदिई मन्त्री बनेकी कञ्चन विच्छालाई कारबाही गर्न राप्रपाको अनुशासन समितिले सिफारिस गरेको छ। समितिले विच्छालाई सांसद पदबाट हटाउने र पार्टी सदस्यता समेत खारेज गर्ने सिफारिस पार्टी नेतृत्वमा बुझाएको छ।
एमालेका सरोज यादवले विवादास्पद रूपमा मुख्य मन्त्री बनेपछि विच्छालाई विनाविभागीय मन्त्रीको रूपमा शपथ गराएका थिए। त्यसै क्रममा, राप्रपा अध्यक्ष राजेन्द्र लिङदेनलाई सामाजिक सञ्जालमार्फत फर्किन निर्देशन दिइएको थियो।
अनुशासन समितिले विच्छालाई २४ घन्टे स्पष्टीकरण सोधेको थियो। तर, उनले चित्तबुझ्दो जवाफ नदिँदा रोशन कार्कीको अध्यक्षतामा बसेको समितिले कारबाही सिफारिस गरेको हो।
राप्रपा प्रवक्ता मोहन श्रेष्ठका अनुसार, चाँडै कार्यसम्पादन समितिको बैठक बस्नेछ र अन्तिम कारबाहीको निर्णय लिइनेछ।
