काठमाडौं । नेकपा एमालेका पोलिटब्यूरो सदस्य महेश बस्नेतविरुद्ध अदालतले प्रहरीको माग बमोजिम पक्राउ पुर्जी जारी गर्न अस्वीकार गरेको छ ।
काठमाडौं जिल्ला अदालतमा न्यायाधीश चन्द्रकान्त पौडेलको इजलासले मंगलबार यस विषयमा थप प्रमाण पेश गर्न आदेश दिएको हो ।
शोभा पाठकले साइबर ब्यूरोमा दिएको निवेदनका आधारमा प्रहरीले अदालतसमक्ष बस्नेतलाई पक्राउ पुर्जीका लागि निवेदन पेश गरेको थियो । तर अदालतले पक्राउ पुर्जी जारी नगरी बस्नेतविरुद्ध थप प्रमाण पेश गर्न आदेश दिएको छ ।
