काठमाडौँ । नेपालले वेस्ट इन्डिजलाई १४९ रनको लक्ष्य दिएको छ । टस हारेर पहिला ब्याटिंग गरेको नेपालले २० ओभरमा ८ विकेट गुमाउदै १४८ रन बनाएको हो ।
नेपालका लागि कप्तान रोहित पौडेलले सर्बाधिक ३८ रन बनाएका थिए । त्यस्तै कुशल मल्लले ३०, गुलशन झाले २२ र दिपेन्द्र सिंह ऐरीले १७ रन बनाएका थिए । त्यस्तै सन्दीप जोराले ९, कुशल भुर्तेलले ६, आसिफ सेखले ३, सोमपाल कामीले अविजित ९ र नन्दन यादवले अविजित ६ रन बनाएका थिए ।
त्यसैगरी वेस्ट इन्डिजका बलर जासन होल्डरले सर्बाधिक ४ विकेट लिए भने नविन बिडाइसीले ३ तथा अकील होसैनले एक विकेट लिएका थिए ।
