काठमाडौँ । नवनियुक्त प्रधानमन्त्री सुशीला कार्कीले जेनजी आन्दोलनका घाइतेहरूसँग भेट गरेकी छन् ।
उनले शनिवार अपराह्न राष्ट्रिय ट्रमा सेन्टर अस्पताल पुगेर त्यहाँ उपचार गराइरहेका घाइतेहरूसँग भेट गरेकी हुन् ।
भेटका क्रममा प्रधानमन्त्री कार्कीले घाइतेहरूको राम्रोसँग उपचार गर्न चिकित्सकहरूलाई निर्देशन दिएको सो अस्पतालका चिकित्सकहरूले बताएका छन् ।
जेनजी आन्दोलनका क्रममा ट्रमा सेन्टरमा मात्रै ८ जनाको मृत्यु भएको थियो । त्यसक्रममा नवनियुक्त प्रधानमन्त्री कार्कीले घाइतेहरूको शीघ्र स्वास्थ्य लाभको कामना पनि गरेकी थिइन् ।
शुक्रवार ९हिजो० प्रधानमन्त्रीमा नियुक्त भएकी उनले शनिवार आन्दोलनमा परी घाइते भएकाहरूको अस्पतालमा पुगी स्वास्थ्य अवस्थाबारे जानकारी लिएकी हुन् ।
उनले आन्दोलनकारीहरूले जलाएका प्रहरी चौकीहरूको पनि अवलोकन गर्ने कार्यक्रम रहेको प्रधानमन्त्रीको निजी सचिवालयले जनाएको छ ।
