पोखरा। सिन्धुलीबाट रातारात पोखरा पुगेका १९ जनाको हायु परिवार पुरानै थातथलो सिन्धुली फर्किने भएको छ ।
हायु परिवार सिन्धुलीको गोलन्जोर गाउँपालिका-६ छेत्पा फर्कन तयार भएको हो । यसअघि वडाध्यक्ष नै पोखरा पुगेर फर्कन आग्रह गरेपनि इन्कार गरेकामा अन्ततः फर्कन तयार भएका हुन् ।
सिन्धुली फर्किए पनि उनीहरू पुरानो घरमा भने नबस्ने गोलन्जोर गाउँपालिका-६ वडाध्यक्ष रविन श्रेष्ठले जानकारी दिए । उनीहरूलाई केही समय आफ्नै घरमा राख्ने र पछि अन्यन्त्र स्थानमा आवास बनाएर स्थानान्तरण गरिने उनको भनाइ छ ।
