गण्डकी ।सिन्धुलीको गोलन्जोर गाउँपालिका–६ छेत्पाबाट सम्पर्कविहीन भएका उर्मिला हायूको परिवार सोमबार साँझ पोखरामा फेला परेको छ। १६ सदस्यीय परिवार पोखरा महानगरपालिका–३० गगनगौडास्थित एक घरमा कोठा भाडामा लिएर बसेको अवस्थामा भेटिएको प्रहरीले जनाएको छ।
सिसुवा इलाका प्रहरी कार्यालयका प्रमुख श्रवण विकका अनुसार हायू परिवार सोमबार बेलुका सोमनाथ पौडेल र चन्द्र भण्डारीको घरमा बसिरहेको अवस्थामा फेला परेको हो। “उनीहरू आफन्त र जनप्रतिनिधिको रोहबरमा त्यहीँ बसिरहेका छन्,” विकले बताए, “सामान्य सोधपुछपछि त्यहीँ राखिएको छ।”
प्रारम्भिक बुझाइअनुसार घरमा बालबालिका बारम्बार बिरामी पर्न थालेपछि र धामीले पनि त्यहाँ नबस्न सल्लाह दिएको कारण उनीहरूले थाकथलो छाडेको बताएका छन्। प्रहरीले हायू परिवारको अवस्थाबारे थप अनुसन्धान सुरु गरेको जनाएको छ।
