काठमाडौँ । पाकिस्तानले भारतविरुद्ध प्रतिआक्रमण सुरु गरेको बताएको छ ।पाकिस्तानी सेनाको जनसम्पर्क विभागले भारतले आफ्ना तीन सैन्य हवाई अड्डाहरूलाई निशाना बनाएको आरोप लगाउदै यसको विरुद्ध प्रतिआक्रमण सुरु गरेको बताएको हो ।
पाकिस्तानी सेनाको जनसम्पर्क विभाग, आईएसपीआरका अनुसार पाकिस्तानले बदलाको कारबाहीलाई ‘अपरेशन बन्यान मार्स’ नाम दिएको छ ।
पाकिस्तानको यी दाबीहरूमा भारतले प्रतिक्रिया दिएको छैन । पछिल्लो तीनदिन देखि पाकिस्तानी पक्षबाट भारतमा लगातार ड्रोन आक्रमण भएको भएपनि पाकिस्तानले औपचारिक रुपमा आक्रमण शुरु गरेको आज मात्र बताएको हो । योसँगै भारत र पाकिस्तान युद्धमा गएको विश्लेषण गरिएको छ ।
