काठमाडौं । सरकारले बेपत्ता बाबु भएका वा बाबुको पहिचान नखुलेका युवालाई नागरिकता दिन नयाँ विधेयक ल्याएको छ। गृहमन्त्री रमेश लेखकले नेपाल नागरिकता ऐन, २०६३ संशोधन गर्न बनेको विधेयक संसदमा दर्ता गराएका छन्। यो विधेयक पारित भएपछि, आमाको नामबाट नागरिकता प्राप्त गर्न सजिलो हुनेछ।
वर्तमानमा, बाबुको पहिचान नखुलेको, बेपत्ता भएको, वा नाता प्रमाणित गर्न नसकेको कारणले हजारौं युवालाई नागरिकता नपाएको छ। विधेयकले यी युवालाई बाबुको नाम नखुलेको अवस्थामा आमाको नामबाट नागरिकता प्राप्त गर्न अनुमति दिने व्यवस्था गरेको छ। यसरी, नागरिकता प्रमाणपत्रमा बाबुको नाम नचाहेमा पनि आमाको नामबाट नागरिकता दिन सकिनेछ।
बाबु वा आमा एकजनाले नेपाली नागरिकता प्राप्त गरेपछि, अन्यको नागरिकता प्राप्त गर्नु अगावै मृत्यु भएको वा सम्पर्कविहीन भएका सन्तानलाई नागरिकता पाउन सहज बनाइनेछ। यो विधेयकले १६ वर्षमुनिका नाबालकलाई नाबालक परिचयपत्र दिने व्यवस्था समेत प्रस्ताव गरेको छ।
