
काठमाडौं । बुटवलको सुप्रिम सहकारी ठगी प्रकरणमा मुछिएका राष्ट्रिय स्वतन्त्र पार्टी (ररास्वपा) का सभापति एवं पूर्व गृहमन्त्री रवि लामिछानेको रुपन्देही जिल्ला अदालतमा बयान सकिएको छ ।
न्यायाधीश प्रल्हाद कुमार योगीको इजलासमा बुधवार लामिछानेको बयान सकिएको अदालतका सुचना अधिकारी अनन्तराज मरासिनीले बताए ।
लामिछानेको बयान सकिएपछि थुनछेक बहस भने आज नहुने भएको छ । सुप्रिम सहकारी ठगी प्रकरणमा मुद्दा दायर भएपछि बयानका लागि उनी आज अदालत उपस्थित भएका थिए ।