काठमाडौं। विश्व नयाँ वर्षको उत्सवमा मग्न छ। विश्वका कुना–कुनामा नयाँ वर्ष मनाइँदैछ।
यसैक्रममा, जिम्बाब्वेले नयाँ वर्षको एक दिनअघि ठूलो निर्णय गरेको छ। यस अन्तर्गत अब देशमा मृत्युदण्ड दिइने छैन। जिम्बाब्वेका राष्ट्रपतिले यससम्बन्धी कानुनी आदेशमा हस्ताक्षर गरेका छन्।
मृत्युदण्डलाई लिएर विश्वभर धेरै प्रश्न उठिरहेको बेला जिम्बाब्वेले यो नयाँ निर्णय लिएको हो। यसअनुसार, जिम्बाब्वेले मृत्युदण्डको सजाय आधिकारिक रूपमा खारेज गरेको छ।
राष्ट्रपति इमर्सन मनंगाग्वाले नयाँ कानुन लागू गरेसँगै मृत्युदण्डको सजायको प्रतीक्षामा रहेका ६० जना कैदीहरूको सजाय अब आजीवन कारावासमा परिणत भएको छ।
