काठमाडौँ । संघीय संसद् सचिवालयले ३९ वटा देशमा संसदीय मैत्री समूह गठन गरेको छ ।
संसदीय मैत्री समूहको आज सिंहदरबारमा बसेको संयुक्त बैठकमा प्रतिनिधिसभाका सभामुख देवराज घिमिरेले विभिन्न ४१ देश मध्ये ३९ वटा देशको मैत्री समूहको संयोजक तोकिएको जानकारी दिए ।
विभिन्न ४१ संसदीय मैत्री समूह मध्ये दुई वटा देश उरुग्वे र इण्डोनेसियाको लागि संसदीय मैत्री समूहको संयोजक तोक्न बाँकी रहेको छ ।नेपालसँग दौत्य सम्बन्ध भएका देशसँग कूटनीतिक सम्बन्ध र विधायकहरूसँगको सम्बन्ध कायम गर्नका लागि संघीय संसद्का सांसदहरूको संसदीय मैत्री समूह गठन गर्ने परम्परा रहीआएको संघीय संसद् सचिवालयले जनाएको छ ।
