काठमाडौं । साफ यू–२० च्याम्पियनसिपसिप अन्तर्गत समूह ए को अन्तिम खेलमा नेपालले बंगलादेशलाई २–१ ले पराजित गरेको छ ।
यो जितसँगै नेपाल समूह विजेता बनेको छ । नेपालको जितमा समिर तामाङ र निराजन धामीले गोल गरे ।
नेपाल र बंगलादेश यसअघि नै सेमिफाईनल प्रवेश गरिसकेका थिए । यो खेलको नतिजाबाट समूह विजेताका लागि टुंगो लाग्ने थियो ।
नेपाल समूह ए मा दुई खेल जित्दै ६ अंक जोडेर समूह विजेता बन्दा बंगलादेश ३ अंकसहित समूह उपविजेता बन्यो । श्रीलंका भने दुवै खेल हारेर यसअघि नै समूह चरणबाट बाहिरिइसकेको छ ।
नेपालले सेमिफाईनलमा भिड्ने टोलीको टुंगो शुक्रबार हुने समूह बी को अन्तिम खेलपछि लाग्नेछ ।
च्याम्पियनसिप अन्तर्गत शुक्रबार समूह समूह बी को अन्तिम खेल भारत र माल्दिभ्सबीच हुनेछ ।
