काठमाडौं । प्रतिनिधि सभाको सचिवमा पूर्वसचिव सुरेश अधिकारी नाम सिफारिस भएको छ । सभामुख देवराज घिमिरेले अधिकारीलाई प्रतिनिधि सभाको सचिवमा नियुक्ति गर्नका लागि राष्ट्रपति रामचन्द्र पौडेलसमक्ष सिफारिस गरेका छन् ।
राष्ट्रपतिले नियुक्ति गर्न साथ अधिकारीले प्रतिनिधि सभाको सचिवका रूपमा काम गर्नेछन् । प्रतिनिधि सभाका सचिव पद्मप्रसाद पाण्डे महासचिव बनेपछि उक्त पद रिक्त थियो । उक्त ठाउँमा अधिकारी सिफारिस भएका हुन् ।
