काठमाडौं । कोपा अमेरिकामा कोलम्बियाले विजयी शुरूवात गरेको छ । आज (मंगलबार) बिहान भएको खेलमा कोलम्बियाले पाराग्वेलाई २–१ गोल अन्तरले पराजित गरेको हो । कोलम्बियाको जितमा डेनियल मुनोज र जेफरसन लेर्माले एक–एक गोल गरे ।
३२ औं मिनेटमा मुनोजले गोल गर्दै शुरूवाती अग्रता दिलाएका थिए । ४२ औं मिनेटमा जेफरसनले गोल गर्दै अग्रता दोब्बर बनाए । ६९ औं मिनेटमा पाराग्वेका लागि जुलियो इनसियोले गोल गर्दै अन्तर कम गरे पनि हार टार्न सकेनन् । जितसँगै कोलम्बिाले समूह ‘डी’ मा ३ अंक बटुलेको छ । अहिले ब्राजिल र कोष्टारिकाबीचको खेल भइरहेको छ ।
