काठमाडौं । अर्थमन्त्री वर्षमान पुनले गाई भैँसी नश्ल सुधारका लागि ३८ करोड र भ्याक्सिन उत्पादनका लागि ४० करोड रुपैयाँ विनियोजन गरेका छन् । मंगलबार अर्थमन्त्री पुनले आगामी आर्थिक वर्षको बजेट भाषण गर्दै संघीय संसदको दुवै सदनमा आगामी आर्थिक वर्षका लागि बजेट प्रस्तुत गर्दै स्वदेशमै बढी दुध उत्पादन गर्ने पशुको विकासका लागि गाई र भैँसीमा नश्ल सुधारका लागि ३८ करोड रुपैयाँ विनियोजन गरेको घोषणा गरेका हुन् ।
यस्तै पशुपक्षीको रोग नियन्त्रण गर्नका लागि आगामी वर्ष ५ करोड डोज खोप उत्पादन गरिने बताए । आगामी ३ वर्षभित्र पिपिआर र स्वाइन फ्लू रोग उन्मूलन गर्ने गरी निःशुल्क खोप सञ्चालन गर्ने उनले बताए । खोरेत रोग उन्मूलन गर्न खोप अभियान सञ्चालन गर्ने , खोप उत्पादन गर्नका लागि ४० करोड रुपैयाँ विनियोजन अर्थमन्त्री पुनले बताए ।
