काठमाडौं। लुम्बिनी प्रदेश सभा सदस्य जानकी प्रसाद यादवलाई प्रदेश सभा सदस्यबाट निलम्बन गरिएको छ।
राप्रपाबाट कपिलवस्तु क्षेत्र नं. ३ (१) बाट लुम्बिनी प्रदेश सभा सदस्यमा निर्वाचित यादवविरुद्ध अख्तियारले भ्रष्टाचार मुद्दा दायर गरेपछि प्रदेश सभा सचिवालयले निलम्बन गरेको हो।
उनीमाथि कपिलवस्तुको गौतमबुद्ध साझेदारी वन व्यवस्थापन समितिले कटान गरेको काठ लुकाएर मिलेमतोमा अनियमितता गरेको भन्दै अख्तियार दुरुपयोग अनुसन्धान आयोगले विशेष अदालतमा मुद्दा दर्ता गरेको थियो।
लुम्बिनी प्रदेश सभा सचिवालयका सचिव दुर्लभ कुमार पुनले जारी गरेको सूचनामा अख्तियारले विशेष अदालतमा मुद्दा दर्ता गरेको अवस्थामा मुद्दाको किनारा नलागेसम्मका लागि प्रदेश सभा सदस्यबाट निलम्बन गरिएको उल्लेख छ।
