काठमाडौं। नेकपा (एमाले) कैलालीको अध्यक्षमा यज्ञराज ढुङ्गाना निर्वाचित भएका छन्। अध्यक्षमा ढुङ्गानाले प्रतिस्पर्धी डेजी पाण्डेलाई ६९ मतले पछि पार्दै विजयी भएका हुन्। उनने दुई सय ८७ मत पाएका छन् भने पाण्डेले २ सय १८ मत प्राप्त गरे। अर्का उम्मेदवार दुर्गा जोशीले ६३ मत पाए।
अध्यक्षका लागि तीनजना उम्मेदवार थिए। तीनैजना अध्यक्षका उम्मेदवारले प्यानल नै बनाएर चुनाव लडेका थिए। सहमति नजुटेपछि अधिवेशन उद्घाटन भएको ६ दिनपछि शुक्रबार मतदान भएको थियो। त्यस्तै,उपाध्यक्षमा लोकेन्द्रबहादुर शाही, सचिवमा ममताप्रसाद चौधरी, उपसचिवमा चूडामणि भट्ट, उपसचिव महिलामा गङ्गा कुमारी चौधरी विजयी भएका छन्।
