काठमाडौँ । न्यूजील्याण्डले जारी टी-२० सिरिजमा पाकिस्तानविरुद्ध लगातार दोस्रो जित हासिल गरेको छ ।
आइतबार हामिल्टनमा सम्पन्न दोस्रो टी- २० खेलमा न्यूजील्याण्डले पाकिस्तानलाई २१ रनले पराजित गरेको हो ।
न्यूजील्याण्डले दिएको १९५ रनको लक्ष्य पछाएको पाकिस्तानले १९.३ ओभरमा अलआउट हुदै १७३ रन बनाएको थियो ।
यस अघि पहिला ब्याटिंग गर्दै न्यूजील्याण्डले २० ओभरमा ८ विकेट गुमाउदै १९४ रन बनाएको थियो ।
यो यस सिरिजमा न्यूजील्याण्डको लगातार दोस्रो जित हो । सिरिजको पहिलो खेलमा न्यूजील्याण्ड ४६ रनले विजयी भएको थियो । योसँगै ५ खेलको सिरिजमा न्यूजील्याण्ड २-० ले अगाडी भएको छ । अब सिरिजको तेस्रो खेल बुधबार हुने छ ।
