काठमाडौं ।सन् २०२४ को जुनमा अमेरिका र वेस्ट इन्डिजले आयोजना गर्ने टी–२० विश्वकपको तालिका सार्वजनिक भएको छ । यद्यपि यसको औपचारिक घोषणा शुक्रबार साँझ ७ बजे हुने बताइएको छ । तर त्यसको केही घण्टा अगाडि न्यूज २४ ले विश्वकपको समूह विवरण प्राप्त गरेको छ ।
विशेष कुरा के छ भने टीम इन्डियालाई पाकिस्तानसँग समूहमा राखिएको छ । यस प्रतियोगितामा कुल २० टोलीको सहभागिता रहनेछ ।
नेपालका लागि गाह्रो
यो जानकारीमा नेपालले सबैभन्दा बढी नोक्सानी बेहोर्नु परेको देखिन्छ । नेपालले आगामी प्रतियोगिताका लागि समूह अफ डेथ मानिने समूहमा स्थान पाएको छ ।
नेपालसँगै दक्षिण अफ्रिका, श्रीलंका, बंगलादेश र नेदरल्याण्ड्स सहभागी छन् । नेपालले पछिल्ला केही महिनामा टी–२० क्रिकेटमा पनि छाप छोडेको छ । यो समुहका सबै टिम निकै बलियो छन् । यस्तो अवस्थामा यहाँ सबैका लागि कडा प्रतिस्पर्धा हुन सक्छ । यस प्रतियोगिताका लागि पाँच–पाँच टोलीलाई चार समूहमा विभाजन गरिएको छ ।
समूह ए – भारत, पाकिस्तान, आयरल्याण्ड, क्यानडा, अमेरिका।
समूह बी- इंग्ल्याण्ड, अस्ट्रेलिया, नामिबिया, स्कटल्याण्ड, ओमान।
समूह सी- न्यूजिल्याण्ड, अफगानिस्तान, वेस्ट इन्डिज, युगान्डा, पीएनजी।
समूह डी – दक्षिण अफ्रिका, बंगलादेश, नेदरल्याण्ड, श्रीलंका, नेपाल
