काठमाडौँ । उरुग्वेका फरवार्ड लुइस स्वरेजको लियोनेल मेसीसँग पुनर्मिलन भएको छ । ३६ बर्षिय स्ट्राइकर स्वरेजले इन्टर मियामीसँग एक बर्षको सम्झौता गरेसँगै उनको मिल्ने साथी मेसीसँग पुनर्मिलन भएको हो ।
स्वरेजले इन्टर मियामीमा जान ब्राजिलियन क्लब ग्रेमियोसँगको सम्झौता घटाएर यसै बर्षको अन्त्यसम्म बनाएका थिए ।
यसअघि नै इन्टर मियामीले स्वरेजलाई क्लबमा ठाउ बनाउन जोसेफ मार्टिनेजलाई रिलिज गरेको थियो ।
अब इन्टर मियामीमा बार्सिलोनाका पूर्व खेलाडीहरु मेसी, स्वरेज, जोर्डी अल्बा र सर्जियो बास्क्वेट एक साथ भएका छन् ।
डिसेम्बर २०२२ मा ग्रेमियो गएका स्वरेजले ५७ खेलमा २९ गोल गरेका थिए ।
