काठमाडौं।नेपाल सुपर लिग (एनएसएल) फुटबलमा सोमबार साविक विजेता काठमाडौं रेजर्स र साविक उपविजेता धनगढी एफसीबीच प्रतिस्पर्धा हुँदैछ । खेल त्रिपुरेश्वरस्थित दशरथ रंगशालामा साँझ ६ बजे शुरु हुनेछ।
जारी लिगमा धनगढी पाँच खेलबाट ११ अंक जोडेर शीर्ष स्थानमा छ। साविक विजेता काठमाडौं पाँच खेलबाट ८ अंक जोडेर चौथो स्थानमा छ।
धनगढी काठमाडौंसँग पहिलो सिजनको उपाधि भिडन्तमा हारेको बदला लिन र शीर्ष स्थानको अंक दूरी बढाउने लक्ष्यसहित मैदान उत्रिँदैछ।
काठमाडौं रेजर्स भने धनगढीलाई पराजित गर्दै अंक बराबरी गर्ने लक्ष्यमा छ।
हाल ६ खेलबाट ११ अंकसहित पोखरा थण्डर्स दोस्रो र समान ६ खेलबाट १० अंकसहित ललितपुर एफसी तेस्रो स्थानमा छन्।
