काठमाडौं । इरानकी नर्गिस मोहम्मदीले यो वर्षको नोबेल शान्ति पुरस्कार पाएकी छिन्।
महिलाविरुद्ध हुने दमनका विरुद्ध गरेको लडाइँ र सबैका लागि मानवाधिकार र स्वतन्त्रताका लागि गरेको पहलका लागि नर्वेको नोबेल शान्ति पुरस्कार समितिले उनलाई उक्त पुरस्कार प्रदान गर्ने निर्णय गरिएको हो ।
इरानी जेलमा रहेकी मोहम्मदीले नोबेल शान्ति पुरस्कार पाएकी हुन्। इरानको सत्ताले उनलाई १३ पटकसम्म पक्राउ गरिसकेको छ। उनी पाँचपटकसम्म दोषी ठहर भएकी छिन्।
मोहम्मदीलाई ३१ वर्ष जेल सजाय तोकिएको छ भने १५४ पटक कोर्रा हान्ने आदेश दिइएको छ।
