काठमाडौं।नेपाली कांग्रेसका केन्द्रीय सदस्य डा.नारायण खड्काले पार्टीको विधान परिवर्तन गर्नुपर्ने धारणा राखेका छन् । उनले पार्टीको विधानलाई परिवर्तन गरेर अगाडि बढ्नुपर्नेमा जोड दिए ।
सोमबार कांग्रेसको केन्द्रीय कार्यसमितिको बैठकमा उनले पार्टीको विधान काम नलाग्ने भएको समेत बताए ।
नेता खड्काले भने,‘अहिलेको हाम्रो विधानले काम गर्दैन । यो १४ जना पदाधिकारी र पार्टीको सभापति सहमतिमा हो या कार्यकारी हो ? यो अर्को दुई वर्ष त जाला साथीहरू तर १५औं महाधिवेशनमा जो साथीहरूको महत्वकांक्षा राख्नुभएको छ । तपाईंहरूले यसलाई नयाँँ तरिकाले लानुस् ।’
उनले पार्टीको विधानलाई कुन तरिकाले लैजाने भन्नेबारे सभापतिले सोच्नुपर्ने बताए ।
