काठमाडौं । मकवानपुरको बागमती गाउँपालिका सिक्रेनीमा पहिरोमा पुरिएर वेपत्ता भएका ६ मध्ये एक जना जीवित भेटिएका छन् । हरिहरपुरगढी गाउँपालिकाका अध्यक्ष बज्रध्वज वाइवाका अनुसार सिन्धुली हरिहरपुर गाउँपालिका–१ ककरेका १९ वर्षका पासाङ घिसिङ रहेका छन् ।
पहिरोले घर बगाउँदा वेपत्ता घिसिङलाई १४ घन्टापछि घाइते अवस्थामा फेला पारिएको उनले बताए । घिसिङलाई पहिरोले बगाएको घरभन्दा तल लामो दुरीमा खोलामा फेला पारिएको जनाइएको छ । मकवानपुरको बागमती गाउँपालिका–५ सिक्रे दोभानका ६० वर्षीय अक्कलबहादुर स्याङ्तानको घर पहिरोले बगाएको थियो । जसमा ५ जना अझै बेपत्ता छन् ।
