काठमाडौं । सुदूरपश्चिम प्रदेश सरकारमा सहभागी हुने मन्त्रीहरूको नाम टुङ्ग्याउन माओवादीले संसदीय दलको बैठक बोलाएको छ । माओवादीले आज दिउँसो २ बजेका संसदीय दलको बैठक बोलाएको हो ।
सुदुरपश्चिम प्रदेश सरकार माओवादीले तीन ओटा मन्त्रालय पाउनुपर्ने माग राख्दै आएको छ । मन्त्रालयको भागभण्डा टुङ्गो लगाउने उदेश्यले शुक्रबारका लागि संसदीय दलका नेता खगराज भट्टले संसदीय दलको बैठक बोलाएका हुन् । यस अघि माओवादी केन्द्रले आर्थिक मामिला र भौतिक पूर्वाधार मन्त्रालय मध्ये कुनै एक मन्त्रालय पाउने दावी गरेकोमा कांग्रेस र समाजवादीले उक्त मन्त्रालाय लिइसकेको छ ।
नागरिक उन्मुक्ति पार्टीले पनि २ मन्त्रालयको दाबी गरेपछि सुदुरपश्चिममा मन्त्रालय भागभण्डाको विषयमा विवाद बढेको हो । जसका कारण अहिलेसम्म मन्त्रालयको भागभण्डाको बारेमा कुरा मिल्न सकेको छैन् ।
